«Сапаны сақтау» жобасын іске асыру аясында 20-30 сәуір аралығында мектепте 4 сынып оқушыларына арналған «Ашық есік күні» өтті.
Іс-шараның мақсаты білім алушылардың орта буында оқуға сәтті бейімделуіне жағдай жасау болды. Шара барысында балалар тарих, қазақ тілі, шет тілі және дене тәрбиесі пәндерінің мұғалімдерімен танысты. Педагогтар оқушылар үшін қызықты тапсырмалар, ойындар мен викториналар дайындады, бұл балаларға болашақ пәндердің ерекшеліктерімен танысуға мүмкіндік берді.
Сонымен қатар, оқушылар математика, жаратылыстану және орыс тілі сабақтарына қатысты. Бұл сабақтарда олар бақылаушылар рөлін атқарды: сабақтың кезеңдерін, оның қарқынын, күрделілік деңгейін және өзінің сезімдерін белгілеген арнайы карточкаларды толтырды.
Өткізілген күннің қорытындысы бойынша оқушылар 5-сыныпта табысты оқу үшін қандай білім, шеберлік және жеке қасиеттер қажет екендігі туралы маңызды қорытынды жасады: мұқияттылық, дербестік, мұғалімді тыңдай білу, жылдам қарқынмен жұмыс істеу және сұрақ қоюдан қорықпау.
Өткізілген іс-шара орта буынға өту алдындағы алаңдаушылықты азайтып, оқушылардың оқу ынтасын арттырды.