9 қазанда «Психикалық денсаулық – ұлт саулығы» атты психологиялық онкүндік аясында педагог-психолог «Жағдайдан да мықтымын: ресурстар, тірек, алға ұмтылу» тақырыбында «Мен қиындықтарды еңсеріп, қайта қалпыма келе аламын» атты іс-шара өткізді. Іс-шара позитивті эмоционалдық көңіл күйді қалыптастыруға, өмірлік төзімділікті дамытуға және өмірлік қиындықтарды жеңу үшін ішкі ресурстарды таба білуге бағытталды.

Мақсаты: білім алушылардың өзін-өзі қолдау, эмоцияларын реттеу, өздерінің күшті жақтарын түсіну және психологиялық тепе-теңдікті қалпына келтіру жолдарын анықтау дағдыларын дамыту.

Іс-шара барысында қатысушыларға «өмірлік төзімділік» ұғымымен танысу, өздерінің ішкі ресурстары туралы ойлану және күрделі жағдайларды еңсеруге не көмектесетінін анықтау ұсынылды.

«Менің ресурсым», «Қиындықтарды жеңуге маған не көмектеседі?», «Егер А жоспары іске аспаса», «Сен жалғыз емессің» және «Менің келесі қадамым» атты интерактивті жаттығуларға ерекше назар аударылды.

Қатысушылар қиындықтар туындаған кезде берілмеу, мәселені шешудің әртүрлі жолдарын іздеу, жақын адамдардан қолдау сұрау және өз мүмкіндіктеріне сену маңызды екені туралы ой бөлісті.

Қорытынды кезеңде ішкі күшті, қолдауды, жеке ресурстарды және алға ұмтылысты бейнелейтін «Өмірлік төзімділік ағашы» атты ұжымдық жұмыс жасалды.